Join Us 
Weather Alert : వాతావరణ శాఖ తెలిపిన ప్రకారం, ఏపీలోని పలు జిల్లాల్లో పిడుగులు పడే అవకాశముంది. నేడు బంగాళా ఖాతాలో అల్పపీడనం ఏర్పడబోతోంది. పశ్చిమ మధ్య బంగాళాఖాతంలో ఈ అల్పపీడనం బలపడే అవకాశం ఉందని సమాచారం.
ఈ నేపథ్యంగా, రాబోయే మూడు రోజుల్లో ఏపీలోని అనేక జిల్లాల్లో మోస్తరు నుంచి భారీ వర్షాలు కురిసే సూచనలు ఉన్నాయి.
ఈ రోజు పార్వతీపురం మన్యం, అల్లూరి సీతారామరాజు, ఏలూరు, కృష్ణా, ఎన్టీఆర్, గుంటూరు, బాపట్ల, పల్నాడు, ప్రకాశం, కర్నూలు, నంద్యాల, అనంతపురం, శ్రీసత్యసాయి జిల్లాల్లో కొన్ని చోట్ల మోస్తరు నుంచి భారీ వర్షాలకు అవకాశముందని వాతావరణ శాఖ తెలిపింది. ఈ జిల్లాల్లో పిడుగులు పడే అవకాశం కూడా ఉన్నది.
